Iron Man

看看最頂條banner, 今期主題是 Iron Man !!! 哈哈~~

上星期五, 和文, Jan, Icy及其男友一行5人
在mega box一起飯戲攻心, 食拉麵, 打機, 再睇Iron Man
雖然位置不是太好(睇完條頸緊緊地.....), 但冇減我的興致
因睇到好戲, 又平左$15 XD

通常當睇到好戲之後, 我才會慢慢search番有關套戲既資料睇番~
wow, 原來Iron Man同 Spider-Man, Hulk, X-Men, Fantastic Four,
Captain America 等等, 係friend底來的!!
他們都是Marvel Comics 的作品系列!!

Iron Man 不論劇情沒有悶場, 而且故事的起成轉合也恰到好處
電腦特技更顯佢的細膩, 3D技術絕對是用心之作!!

對於喜愛機械的我來說, 除了Transfomer真的無得頂外,
Iron Man已經算是不錯了~~
(但真係覺得佢機械的特技未夠喉, 希望佢下一集可以交多d貨!!)

而相比起我最愛的 Spider-Man, 以故事來計
Iron Man劇情真是十分麻麻, 它的劇情十分普通
都是平鋪直說Tony哥成為Hero的一段經歷
而且劇情大致上也可預計得到的.....
它有一個很重要的缺點, 就是不能令觀眾投入角色, 令人產生共嗚的感覺
(不過也不要緊, 正因之前對這套戲的劇情沒有太大期望....
focus都放在它的特技!! 幸好也沒令我失望~
希望下一集的情感細膩可以大大改善!!)

2008年最令人期待的大電影:
《奪寶奇兵》第4集、《盜墓迷城》第3集、《蝙蝠俠黑夜之神》
等重頭戲 , 希望也可以和你們一起再看!!

圖書館領袖生聚會

4月30日是歷屆圖書館領袖生的聚會, 亦都是由燊哥製作的大project!
縱使已經多年沒有見面, 但Ms Mok一眼也認得了我~~
對上一次見面, 已經是她好幾年前的婚禮了......

當晚和Ms Mok 傾了很多, 大家都update番大家的近況,
Ms Mok還勉勵我要努力工作!

雖然我當時我只是領袖生, 並不是圖書館領袖生, 但卻同Ms Mok很熟絡
因為果時成日落圖書館浦, 常常都會看見Ms Mok~
真懷念讀書時候的日子!!

海洋珍寶

上星期六, 適逢媽打生日, 一家人大清早就俾佢夾去海洋公園~
(佢已經步儲左好耐了, 一早就book左我&爸)

進場後, 就看見沙雕同鯊魚
估唔到有沙雕睇, 嘩d沙雕雕得好仔細好令,
好過上次去旅行個till多多聲啦!!

之後去了雀鳥屋睇雀仔

影左好多雀仔相, 重可以同鸚鵡近距離影相tim~

再睇海獅

記得N年前, 有個很小的小朋友, 手拿著M記的外賣紙袋,

海獅見到M記紙袋, 雙眼好像發光的,

小朋友行到邊,佢就游到邊,

估唔到連海獅都鐘意食M記

之後去到水母館

好耐之前已經好想去睇了,所以一直都好期待!!

水母館地方雖少, 但配合燈光效果, 令水母優美的資態更顯突出!!

接著便到海洋館

冇去咁多年, 見到而家d魚大晒, 不禁令我贊歎起來!!

條條都好肥美, 可以有得食就正了!!

海洋劇場的表現時間還有半小時就開始,我先去那裡擺位~

嘩...已經咁多人...好多位都被人坐晒...

不過很好彩, 也被我找到一個不錯的位置

但也令我感到有點可惜, 現在的表演已經大不如前,

給我的感覺不是太吸引...可能因為覺得沒有甚麼特別,

而且已經沒有了殺人鯨的表現了

另一個令我有點失望地方是鯊魚館, 咁多年也沒有變,

好明顯也比其他館遜色, 唯一令我懷念的就是門口的鯊魚牙!!

到了壓軸了, 就是去看我們的國寶熊貓

安安,佳佳,盈盈,樂樂來了香港這麼久, 終於可以見到牠們的真面目了~

玩左成日, 係時候去醫醫個五臟廟,

今次我都係第一次去珍寶海鮮舫,

這裡氣派十足,侍應服務一流, 美食質素不錯,價錢尚算合理!

一坐下, 就有成幾個人來service我地,

貴賓式的享受, 真是深深體會

我地叫了一隻片皮鴨, 蝦炒麵, 中式牛柳

片皮鴨, 皮雖然普通, 但肉質卻肥美而不膩!

蝦炒麵, 蝦味都幾鮮, 但炒麵卻炒得恰到好處!

中式牛柳, 汁都是一般, 但牛柳卻好juice!

在這裡, 雖然價錢都比較高尚了一點,

但食環境, 食氣派, 食服務已經值回票價了~值得一去!!

後話:
對上一次同家人去海洋公園好像已經差不多十年前既事了

以前是呀爸呀媽帶著我行海洋公園,

今次是我帶著呀爸呀媽行海洋公園,

真是有些感觸......

現在他們有他們的活動, 我有自己的活動,

和父母一同外出/共聚的時間卻少了

正所謂世事難料, 隨著時間的流逝,

冇人知道自己還有多少時間可以和自己的父母一起,

所以一定要好好珍寶和他們共聚的時間!!

Well, 粉絲們~

為答謝你地對我個blog一直既支持~
今日我都用左唔少時間打這篇野,

滿足下你地閱讀既慾望, 好好enjoy篇文 XD

有興趣的都可以去我facebook睇相, upload左好多相~